तुळजाभवानी पूजा

।। श्री दुर्गा सप्तशती पाठ सेवा - आदिमायेच्या विजयाचा आणि शक्तीचा जयघोष ।। 'श्री दुर्गा सप्तशती' हा शक्ती उपासनेतील सर्वश्रेष्ठ ग्रंथ आहे. आई तुळजाभवानीच्या पावन शक्तिपीठावर तुमच्या नावे होणारा हा पाठ म्हणजे संकटांचा नाश करणारी आणि जीवनात चैतन्य निर्माण करणारी एक दिव्य आध्यात्मिक प्रक्रिया आहे. साळुंके पुजारी यांच्या माध्यमातून हा शास्त्रोक्त विधी संपन्न करा.

या विशेष कुंकुमार्चन सेवेमध्ये श्री तुळजापूर क्षेत्रामध्ये श्री तुळजाभवानी मातेच्या चरणी / श्रीयंत्रावर मंत्रोच्चारासह श्री देवीच्या पवित्र कुंकू अर्पण करून 'कुंकुमार्चन' करणे, शास्त्रोक्त आरती, सौभाग्य कामना आणि कुटुंबाच्या कल्याणासाठी विशेष प्रार्थना या सर्व मुख्य सेवांचा समावेश आहे.

।। श्री तुळजाभवानी माता विशेष सेवा: 'नऊवारी साडी-चोळी व विधीवत ओटी' अर्पण पूजा ।। श्री तुळजाभवानी देवीला अर्पण करणे हे अत्यंत भाग्याचे व पुण्याईचे मानले जाते. ज्या भाविकांना तुळजापूरच्या पावन शक्तिपीठावर प्रत्यक्ष उपस्थित राहून ही सेवा करणे शक्य नाही, त्यांच्यासाठी आम्ही ही विशेष पूजा सेवा उपलब्ध करून दिली आहे. साळुंके पुजारी यांच्या माध्यमातून तुमच्या नावे हा पारंपरिक विधी संपन्न केला जातो.

।। श्री तुळजाभवानी माता कन्या पूजन व भोजन सेवा - बालशक्तीचा सन्मान आणि कृपाशीर्वाद ।। देवी भागवत आणि दुर्गासप्तशतीमध्ये कुमारिका पूजनाला 'यज्ञ' इतके महत्त्व दिले आहे. कन्या ही निसर्गातील पवित्रता आणि नवचैतन्याचे प्रतीक आहे. तुळजापूरच्या पावन क्षेत्रात लहान कन्यांना (कुमारिकांना) आदरपूर्वक बोलावून, त्यांचे पाय धुवून, त्यांना साक्षात देवी मानून भोजनाचा नैवेद्य अर्पण केला जातो. ही सेवा केवळ भूक शमवण्यासाठी नसून, ती साक्षात बाल-भवानीची तृप्ती आहे. विशेषतः नवरात्रीचे उपवास किंवा घरातील शुभ कार्याच्या पूर्णत्वासाठी कन्या पूजन करण्यात येते अशी आख्यायिका आहे. "कन्यां कांचनवर्णाभां दिव्यरलैरलंकृताम् । पूजयामि जगन्मातः प्रीता भव सदा मम ।। "

।। श्री तुळजाभवानी माता कुलधर्म-कुलाचार: पारंपारिक जागरण गोंधळ सेवा ।। 'जागरण' म्हणजे देवीची केलेली स्तुती आणि 'गोंधळ' म्हणजे आदिमायेच्या चरणी अर्पण केलेली संगीतमय सेवा. श्री तुळजापूर क्षेत्री या विधीला अनन्यसाधारण आध्यात्मिक महत्त्व आहे. जेव्हा घरामध्ये विवाह, वास्तुशांती, मुंज किंवा अपत्य प्राप्ती यांसारखी मंगल कार्ये होतात, तेव्हा कुलदेवतेची कृपा कायम राहावी यासाठी गोंधळ घातला जातो. साळुंके पुजारी यांच्या मार्गदर्शनाखाली, अनुभवी गोंधळी बांधवांकडून हा विधी शास्त्रोक्त पद्धतीने पार पाडला जातो, "यन्मंगलाय सततं परिपूर्णमस्तु ।"

।। श्री तुळजाभवानी माता विशेष सेवा: पारंपारिक 'सवाष्ण पूजन आणि भोजन' सेवा ।। सनातन संस्कृतीमध्ये आणि कुलधर्म-कुलाचारात 'सवाष्ण भोजन व पूजन' करणे अत्यंत पुण्यकारक मानले जाते. श्री तुळजाभवानी मातेच्या कृपेसाठी आणि कौटुंबिक समृद्धीसाठी सुवासिनी पूजन केले जाते. ज्या भाविकांना तुळजापूरच्या पावन शक्तिपीठावर प्रत्यक्ष उपस्थित राहून ही सेवा करणे शक्य नाही, त्यांच्यासाठी आम्ही ही विशेष सेवा उपलब्ध करून दिली आहे. साळुंके पुजारी यांच्या माध्यमातून तुमच्या नावे हा पवित्र विधी संपन्न केला जातो.

|| श्री तुळजाभवानी मातेस 'पुरणपोळी नैवेद्य पूजा' अर्पण सेवा || या विशेष धार्मिक आणि सात्विक सेवेमध्ये तुळजापूर येथील देवी श्री तुळजाभवानी यांना शुद्ध सात्विक पारंपरिक 'पुरणपोळी प्रसाद (नैवेद्य)' अर्पण करणे, शास्त्रोक्त आरती करणे आणि भक्ताच्या वतीने कौटुंबिक कल्याण व समृद्धीसाठी विशेष प्रार्थना करणे यांचा समावेश आहे.

"आई तुळजाभवानीची ओटी भरणे म्हणजे केवळ विधी नाही, तर ते भक्त आणि भगवती यांच्यातील अतूट नात्याचे प्रतीक आहे." आपल्या कुलदेवतेचा सन्मान करण्यासाठी आणि तिची कृपादृष्टी प्राप्त करण्यासाठी साळुंके पुजारी यांच्या माध्यमातून श्रद्धेने हा मंगल विधी संपन्न करा.